Grias Eich God liabe Leid,

habts Ihr des überhaupt scho gwisst,
dass die KLJB Unterheising - Sarching heier wieder ganz vorn mitmischt?
Unser Stodlfest geht scho in die 9. Runde,
mir hoffa, des is bald in aller Munde.
In da Maschinenhalle vom Haslbeck in Unterheising gehts am 08. Juni 2012 wieder rund, des is ganz klar,
es gibt a wieder a super Sekt - und Cocktailbar.
Ogeh duad unser Fest um 6e afnacht,
mir ham uns wos überlegt, des bestimmt de meisten a Freid macht.
De Eröffnungsspiele vo da EM wern live überdrong,
gleichzeitig kinnts was doa für Eian Mong.
Um 6e spielt Polen gega Griechenland,
auf des Ergebnis hamma wirklich gspannt.
Danach um dreiviertel 9e gehts weiter mit Tschechien gega Russland,
wei da wohl sa werd da Endstand?
Also kemmts vorbei und schauts eich des o,
mir gfrein uns über jeden, egal ob Frau oder Mo.
Natürlich is a gsorgt für das leibliche Wohl,
mit am Essen und a bisserl Alkohol.
Denn mir ham des guade Schwarzfischer Bier,
kemmts, denn des gibts nur hier.
Für Stimmung sorgt die Partyband MOSCITOS,
mit dene feiern ma bis zum morgen, zweifellos.
Vo Hochzeiten, über Fahnaweihn bis hi zu Volksfestn,
die MOSCITOS san wirklich de besten!
Also kemmts vorbei und lassts eich des Fest ned entgehn,
sonst denkts Eich danach, war i doch da gwen.